Sensei Johan, ‘n 6e dan karateka doen reeds die afgelope 42 jaar karate. Hy is tans die nasionale kondisionerings afrigter van die Protea span en is ook aangewys as nasionale studente afrigter tydens die FISU wêreld studente spele in Slowakye vanaf 12 – 15 Julie 2012.

Hy is die afrigter van die Noordwes Universiteit se Pukke wat die USSA titel al vir die afgelope 12 jaar suksesvol verdedig. Hy het al verskeie protea spanlede, wêreldkampioene, nasionale- en provinsiale kampioene opgelewer.

Hy tree as skeidsregter op tydens nasionale en internasionale KWF kampioenskappe. Hy is ook die voorsitter van Suid-Noordwes karate en is 'n lid van die SAKWF Shihankai.

Sensei Madelein, ‘n 5e dan karateka, getroud met Johan van Tonder en doen reeds die afgelope 31 jaar karate.

Sy tree op as nasionale afrigter tydens internasionale kampioenskappe en is ‘n skeidsregter tydens nasionale KWF kampioenskappe.

Sy is die Noordwes Pukke se bestuurder tydens die jaarlikse USSA kampioenskappe.

Sy het Suid-Afrika al verskeie kere in KWF, JKA, asook die Proteaspan verteenwoordig. Sy het al 2 silwer en 1 brons medalje in die senior afdeling tydens internasionale KWF kampioenskappe gewen.

Sensei Arno, broer van sensei Johan, is ‘n 5e dan karateka en doen reeds die afgelope 31 jaar karate.

Hy is ‘n nasionale KWF skeidsregter, hy is nou betrokke by die suksesvolle Noordwes Pukke karate.

Hy het SA KWF en SAJKA al verskeie kere verteenwoordig. Hy het tydens ‘n internasionale kampioenskap in Skotland verskeie medaljes verower.